विराटनगरमा निषेधाज्ञा अवधि थपियो

 

 स्थानीय प्रशासनले विराटनगरमा जारी गरेको निषेधाज्ञाको अवधि थप गरेको छ । बिहीबार बिहान ८ देखि लागू भएको निषेधाज्ञा साँझ ६ बजेदेखि थपेर ९ बजे पुर्‍याइएको छ ।

युथ फोर्स मोरङ संयोजक पर्शुराम बस्नेतका लागि युवा संघले बिहीबार विराटनगरमा गर्न लागेको सभाको पूर्वसन्ध्यामा प्रशासनले निषेधाज्ञा जारी गरेको थियो ।

प्रमुख जिल्ला अधिकारी सुरेश अधिकारीका अनुसार स्थानीय प्रशासन ऐन २०२८ अनुसार जारी निषेधाज्ञाका अवधिमा ५ जनाभन्दा बढि हिँडडुल, सभा, जुलुस र धर्ना गर्न पाइने छैन ।

तेस्तै 

विराटनगरमा विद्यालयबाट घर फर्कँदै गरेको सगरमाथा स्कुलको बसमा युथ फोर्सका कार्यकर्ताले ढुङ्गा हान्देछन्। बसमा विद्यार्थीहरु थिए। ती मध्ये कक्षा ६ मा पढ्ने १० वर्षका अर्पण पोखरेल सख्त घाइते भए। बिचराको विराटनगरस्थित न्यूरो अस्पतालमा उपचार भइरहेको छ। ढुङ्गा लाग्दा पोखरेलको देब्रेपट्टीको कन्चटको हड्डी नै भाँचिएको छ।

राजधानीमा प्रदर्शन तीब्र

युवा संघ अध्यक्ष पक्राउको विरोधमा एमालेसम्बद्ध युवा-विद्यार्थीहरुले राजधानीमा पनि प्रदर्शन गरेका छन् । उनीहरुले केही सवारीमा तोडफोड गरेका छन् ।

काठमाडौंमा त्रिचन्द्र र शंकरदेव क्याम्पस अगाडि जिपमा आगजनी गरिएको छ । नेपाल विद्युत प्राधिकरणको बा.१.ञ १८३३ गाडी त्रिचन्द्र अगाडि तथा बा.१.झ ५४७१ नम्बरको सरकारी जिप शंकरदेव क्याम्पस अगाडि जलाइएको छ ।

यसैबीच प्रहरीले सरकारी गाडी बाहिर ननिकाल्न सबैतिर सर्कुलेशन गरेको छ । युथफोर्सले विराटनगर, इटहरी, बुटबल, धादिङमा पनि युथफोर्स र अनेरास्ववियुले प्रदर्शन गरेको छ ।