सत्तारुढ दल एमालेका केन्द्रीय सदस्य योगेश भट्टराईसहित युवा संघका नेताहरु तीन वटा माग लिएर गृह मन्त्रालयमा गृहमन्त्री कृष्णबहादुर महरासंग बार्ता गरिरहेका छन् ।
उनीहरुले इटहरीमा पक्राउ परेका युवा संघका अध्यक्ष महेश बस्नेतसहित दिनर पक्राउ परेका संघका नेता कार्यकर्ताहरुलाई रिहाइ गरिनु पर्ने, अमानवीय ढंगबाट बल प्रयोग गर्ने प्रहरीलाई कारवाही गरिनु पर्ने र घाइतेहरुको औषधी उपचार गराउनु पर्ने माग राखेका छन् ।
उनीहरुले तीन वटा माग पुरा नभएमा शुक्रबार नेपाल बन्दको आह्वानसिहतका कार्यक्रम गर्ने बताएका छन् । बन्द आह्वान गर्नका लागि बिहीबार साँझ मसाल जुलुसको तयारी गरेको छ ।
बिराटनगरका पत्रकार खिलानाथ ढकाललाई आक्रमण गर्ने प्रमुख योजनाकार परशुराम बस्नेतलाई पक्राउ गर्न नेपाल पत्रकार महासंघले गरेको दवाव कार्यक्रममा प्रतिकार सभा गर्ने भन्दै इटहरी पुगेका संघका अध्यक्ष महेश बस्नेतलाई बिहीबार बिहान प्रहरीले पक्राउ गरेको थियो । उनले परशुराम आफैसंग भएको दावी गर्दै पक्रन सरकारलाई चुनौती दिएका थिए ।
उनलाई इटहरीमा पक्राउ गरेपछि युवा संघसंग आबद्ध युवाहरुले राजधानी लगायतका स्थानमा तोडफोड र आगजनी गरेका थिए ।
No comments:
Post a Comment