कतारको श्रम मन्त्रालयको पछिल्लो तथ्याङ्क अनुसार कतारमा हाल ३ लाख ८ हजार २ सय ४९ नेपाली कार्यरत छन् । यस अघि करीव साढे ३ लाख भएको अनुमान गरिदै आएको थियो । अबको ६ महिनाको अबधीमा १ लाख २० हजार भन्दा बढि थपिने संभाबना देखिएको छ ।
कतारको श्रम मन्त्रालय र नेपाली दुतावास, कतारका अधिकारीहरु वीच सोमवार भएको भेटवार्तामा मन्त्रालयले यो तथ्याङ्कबारे जानकारी गराएको हो । कतारका लागि नेपाली राजदुत डा. सुर्यनाथ मिश्रले कतारका सामाजिक मामिला मन्त्री तथा निमित्त श्रम मन्त्री नासेर अब्दुल्ला सालेह अल–हेमिदीसंग श्रम मामिला लगायतका विषयमा भेटवार्ता गरेका थिए ।
भेटमा मन्त्री हेमिदीले नेपाली कामदारको लागि १ लाख २० हजार ९ सय ४४ भीसा स्वीकृत भएको जानकारी दिए, जस अनुसार ३० हजार ७ सय कामदारको भीसा अध्यागमनबाट निस्किसकेको र कामदार आउने प्रकृया रहेका जनाएका छन् । ९० हजार २ सय ४४ कामदारको भीसा श्रम बिभागबाट स्वीकृत भई सकेको छ, जुन अध्यायगनबाट निस्कन बांकी छ । भीसा निस्केको ६ महिना भित्र कामदार कतार छिरिसक्नु पर्ने हुन्छ ।
विभिन्न कंपनीहरुले ५९ हजार २ सय ४४ नेपाली कामदार माग गर्दै श्रम बिभागमा निवेदन दिएको समेत हेमिदीले राजदुत मिश्रलाई बताएका थिए । ‘नेपाली कामदार मेहनतलाई हामीले अन्यन्त मन पराएका छौ, हामी उनीहरुको कामबाट सन्तुष्ट छौं’ मन्त्री हमिदिको भनाई उदृत गर्दै मिश्रले बताए ।
श्रम मन्त्रालयमा एक घण्टा १० मिनेट भएको भेटवार्तामा नेपाली कामदारको पुर्णकालिन विमा, नेपाली कामदारलाई नेपाली स्वास्थ्यकर्मी र कानुन प्रदद्ध अधिकार प्राप्तीमा भएको व्यवहारिक कठिनाई बारे पनि कुरा भएको मिश्रले बताए । हमिदीले कामदारको हक पाउन समस्या भए जानकारी गराउन आग्रह गर्दै समाधानको पहल गर्ने बताए । मन्त्रालयको कामदारको गुनासा सुन्नको लागि हट लाईन टेलिफोनको व्यवस्था गरेको समेत हमिदिले जानकारी दिएका थिए ।
पुर्ण कालिन विमा र नेपाली कामदार बढी भएको ठाउँमा नेपाली स्वास्थ्यकर्मी राख्ने बारे हमिदिले इर्दपछि कंपनी संचालकहरुसंग कुरा गर्ने बताएका छन् । वर्षका करीव २ सय नेपालीले कतारका मृत्यु हुने गरेको छ, जसमा कार्यस्थलमा निधन भएका बाहेक क्याम्पमा निधन भएकोमा विमाले समेटेको छैन ।
कतारको कानुन अनुसर ५ देखि २५ कामदार भएको क्याम्पमा प्राथमिक उपचार बाकस (फष्ट एड बक्स), १ सय कामदार भएको क्याम्पमा पुर्णकालिन एक जना नर्स र ५ सय भन्दा कामदार भएको कंपनीले एक जना डाक्टर र एक जना नर्स राख्नु पर्ने प्रावधान छ । मिश्रले नेपालमा दक्ष कामदार पनि रहेको जनाउ“दै भाषाको समस्याको कारण कतिपय अदक्ष कामदारलाई यहाँ उपचारमा समस्या परेको जनाएको बताए ।
‘वार्ता एकदम सकारात्मक भयो, उहाँहरु समस्या समाधानमा गंभिर हुनुहुन्छ’ मिश्रले ईकान्तिपुरलाई भने–‘हामीले सुरक्षित आप्रवासन गराउन सक्यौं भने राष्ट्रिय अर्थतन्त्रलाई ठुलो योगदान दिन सक्ने छौं ।’ सुरिक्षित आप्रवासनको लागि दुतावासले दुतावासले भीसा र कामदारको रोजगार संझौता (एम्प्वाईमेण्ट कन्ट्रयाक्ट) प्रमाणीकरण गरेको छ । तर कैयौं म्यानपावर एजेन्सी र ऐजेण्टहरुले नक्कली कामदार संझौता बनाउने र त्यसैलाई वैदेशिक रोजगार विभागले स्वीकृत दिएपछि कामदार कतार आउने गरेकोले समस्यामा परेका छन् ।
मन्त्री हमिदिले नेपाली हाउसमेडको कतारमा आवश्यकता रहेको जनाउँदै छिटो र सरल प्रकृया बनाउन आग्रह गरेका थिए । नेपाल सरकारले खाडीमा घरेलु कामदार खुला गर्न मापदण्ड तयार गरेको राजदुत मिश्रले जनाकारी दिएका थिए ।
पहिल्लो समय कतार नेपालको माग बढ्दै गएको देखिएको छ । सामान्यतः महिना ६/७ हजार कामदार कतार भित्रिने गरेकोमा पहिल्लो ६ महिनादेखि यो संख्यामा बृद्धि भएको छ । कतारले विश्वकप २०२२ को पुर्वाधार निर्माण गर्ने योजनासंगै कामदारको माग बृद्धि हुन थालेको हो । वैदेशिक रोजगार विभागको तथ्याङ्क अनुसार जेठमा विदेदिएका ४० हजार ४ सय ६१ मध्ये सबै भन्दा बढी कतारमा १३ हजार ७ सय १९ छन् ।
इरान पनि इच्छुक
नेपाली कामदारको क्षमता देखेर इरानले पनि आफ्नो देशको विभिन्न क्षेत्रमा काम दिन इच्छुक रहेको जनाएको छ । कतारका लागि इरानी राजदुतले नेपाली राजदुतसंग हालै यो चाहना व्यक्त गरेका छन् ।
कतारस्थित इरानी दुतावासले हालै कतारबाट १२ देशका राजदुतहरुको इरानको फार्स प्रान्त को भ्रमण गराएको बेला इरानी राजदुत अब्दुल्ला सोह्रबीले नेपाली कामदारप्रति रुचि देखाएका थिए । सोह्रबीले नेपाल इच्छक भए यसबारे संझौता गर्न चाहेको बताएका छन् । उनले कृषि, फलफुल तथा पशुपालनको क्षेत्रबारे जनाउ“दै नेपाली कामदार पाएमा लिने बताएका थिए ।
फार्सका भ्रमणमा नेपाल, जापान, काजाकास्तान, चीन, बंगलादेश, अफगानिस्तान सहित अफ्रिकी मुलुकका राजदुतहरुले भ्रमण गरेका थिए । इरानी दुतावासले आर्थिक कुटनिती अन्तर्गत फार्स प्रान्तको ऐतिहासिक, सांस्कृतिक, पर्यटकीय, औद्योगिक तथा कृषि जन्य क्षेत्रको शुक्रवार र शनिवार भ्रमण गराएको थियो ।
स्रोत : इ कान्तिपुर 
No comments:
Post a Comment